نوبات_الغضب_عند_الاطفال

نوبات الغضب تصير بشكل طبيعي من عمر سنه الى عمر تلث سنوات 🔴ممكن تكون اما بكاء مستمر او صراخ عالي او ممكن الطفل ياذي نفسه (طبعا بدون قصد ) يعني يشمر روحه بالارض فيوكع على شي حاد او على الارض ،، الخ 🔴واكيد اذا ما عرفنا شون نتعامل صح ويه هذي النوبات ممكن تستمر الى ما بعد التلث سنوات والطفل يضل يستخدمها كوسيله للتعبير عن احتياجاته او للضغط على الاهل حتى ينطوه الشي الي هو يريده 🔴زين ،، ليش تصير هذي النوبات ؟؟ بعمر السنه الى ٣ سنوات الطفل يبدي يميز الاشياء افضل وتبدي تصير عنده رغبات معينه مثلا باكل معين بلعبه معينه بلبسة معينه وبنفس الوقت اللغه عنده تكون غير متكامله فنتيجة لمشاعر الاحباط لان ميكدر يعبر عن نفسه ممكن يلتجا لنوبات البكاء والصراخ كتعبير عن هذي الرغبات هذا طبعا السبب الرئيسي لبداية النوبات لكن مع مرور العمر ممكن الطفل يبدي يستخدمها في اي موقف يتعرض بي للاحباط ⭕️زين السؤال المهم شون نتعامل ويه هذي النوبات ١.اول شي واهم شي هو الاستباقيه يعني شون نستبق الموقف قبل متبدي النوبات يعني ضروري انو قدر الامكان دائما الطفل شبعان ، و نايم زين ودائما نحسسه بالاهتمام وانو هو شخص مهم النا ونحس باحتياجاته ونفهمه بدون كلام ⭕️الشغله الثانيه انو ابعده عن المحفزات الي ممكن تدخله بنوبة غضب يعني مثلا اذا هو يبجي ويشمر روحه بالارض من يفوت من يم محل الالعاب فممكن اخذه من غير طريق وما افوته كبال الالعاب ⭕️٢.واذا الطفل شويه بده يكبر ويفهم الكلام فممكن انو نستخدم اسلوب الاتفاق يعني مثلا نكول للطفل انو اليوم رح نطلع للمول اذا بجيت وصرخت وشمرت روحك بالارض بعد منطلع مره ثانيه بس اذا صرت حباب من نرجع للبيت ناكل موطا بطريقنا 🛑🛑زين اذا كل هذي الامور ما فادت وفعلا الطفل دخل بنوبة غضب ،، شون ممكن نتصرف ؟! ☑️ طبعا اذا كانت النوبه خارج المنزل فضروري جدا جدا انو الام تحافظ على هدوئها يعني بكل بساطه تطفين دكمة الاحراج والمستحى !!! اعتبري انو محد اكو بالدنيا بس انتي وطفلج الي ديصرخ !! لا تشيلين هم المتحذلقين والفضوليين والناس الفارغه والي يكول مدللته والي يكول معرفتي تربيه والي يكول ضربي بس الضرب يفيد ذوووول كلهم انسيهم واهتمي بالمشكله الاساس انو شون تتعاملين ويه النوبه