- خطأ شائع وضع الكمادات الباردة على الجبهة لما بترتفع الحرارة، يجب وضع الكمادات الباردة على الشرايين الكبيرة لتبريد الدم بشكل مباشر مثل الشريان الفخذي أسفل البطن أو على الشرايين السباتية على الرقبة(دون ضغط) أو تحت الابطين.
- لما بترتفع حرارة الإنسان مو شرط تستمر الحرارة بالارتفاع طول النهار ، غالبا رح ترتفع الحرارة بشكل ذروات خلال اليوم وخاصة بالليل.
وأهم شي انو الاحساس بالبرودة أو العرواءات أو الرجفان أو ما يسمى ب "البردية" وخاصة بهالصيف والشوب، هو دليل على انو الحرارة كانت مرتفعة.
- مو كل إحساس داخلي بارتفاع درجة الحرارة هو ارتفاع حرارة حقيقي. في حال الشك بارتفاع درجة الحرارة يجب التشخيص الأكيد وذلك يعتمد على ميزان الحرارة الزئبقي الذي يوضع تحت اللسان لمدة 5دقايق كاملة.
-منقول أن الانسان عندو ارتفاع درجة حرارة إذا كانت حرارته على الميزان اكتر من 38.2 لمرة واحدة أو اكتر من 38لمدة ساعة.
يعني في حال قسنا الحرارة وطلعت 38برجع بقيسها بعد ساعة واذا بقيت 38 لهون بقول انو حرارة هذا الإنسان مرتفعة.
- الحرارة دليل على انو الجسم عم يحارب الفيروس وعم يحاول يقضي عليه من خلال السيتوكينات الالتهابية، لهيك مو شرط انو خفّض الحرارة دائما الا إذا ما تجاوزت ال39 هون في حال ارتفاع الحرارة فوق ال39 لازم استخدم خافضات الحرارة أو الكمادات.
- خافضات الحرارة الافضل خلال الكورونا هي السيتامول أو البنادول عيار 500 كل 6ساعات حبة، ويجب ألا تتجاوز الجرعة الكلية في اليوم 6حبات.
- في حال استمرار ارتفاع الحرارة أكتر من 3ايام وما تحسنت على خافضات الحرارة والكمادات الافضل بهي الحالة استشارة طبيب.
تعليقات
إرسال تعليق